Monday, December 28, 2015

"Pa sakicë, nuk shkohet në mal"!



Shkruan: Nehat Hyseni 

Me rastin e mbledhjes së parë të Kryesisë së Degës së PVD-së në Preshevë,
Urime dhe ju priftë e mbara në aktivitetin tuaj partiak e kombëtar!

Nga ju pret Presheva shumë!
Andaj, mos i zhgënjeni votuesit e dikurshëm të kësaj partie, që përfshinë tërë Luginën.
Populli thotë se:
"Pa sakicë, nuk shkohet në mal!"!
Kurse ekspertët nga lëmi i politikologjisë dhe sociologjisë politike, thojnë se:
"Pa platformë politike, nuk shkohet në zgjedhje!"

Andaj, përvoja e gjertanishme na flet qartë, natyrisht, për ata që kanë sy me pa, kanë veshë me ndëgju dhe kanë zemër me e shiju dhe përjetu  fitoren ose humbjen, është e qartë "si drita e diellit" se çka na pret  nëse hyjmë në zgjedhjet lokale në pranverën e vitit 2016.

 Pa Platformë politike të mirëfilltë dhe pa gadishmëri e sinqeritet dhe fushatën parazgjedhore e bëjnë "sa për të thënë", e nuk e kanë kuptuar se fushata bëhet për t'ia sqaruar e prezentuar ofertën tonë qeverisëse për çdo nëndegë, fshat, mahallë dhe për çdo individ, të ri, apo plak.
Oferta është në Platformë, kurse Platforma duhet të ket moton, vizionin dhe mosionin e PVD-së, që duhet prezentuar publikut preshevar.

Jam thellësisht i bindur se ky staf i ri i udhëqjes së Degës së PVD-së, mund t'a dalni, dmth ta bëni këtë me sukses dhe t'ia ktheni namin e dikurshëm PVD-së, atëherë kur angazhoheshim për ideal, për kauzën kombëtare, me sinqeritet e devotshmëri idealiste, duke e kuptuar angazhimin tonë politik si angazhim për kauzën dhe mirëqenien kombëtare dhe si sakrificë dhe ekspozim ndaj persekutimeve, denimeve e ndëshkimeve nga më të ndryshmit nga pushteti i atëhershëm, e kurrësesi si përfitim material e politik në kurriz të partisë.

Natyrisht, do të isha i pasinqertë me ju dhe me publikun, poqese do të thosha se atëherë nuk kishte persona të tillë, dmth që rronin në kurriz të partisë dhe kujdeseshin me agresivitet e metoda tinzare që t'i grabisnin për vete, dhe vetëm për vete beneficionet dhe përfitimet e tjera nga partia, duke u kujdesur që asgjë nga këto mos t'i shpëtoj një grupi të caktuar brenda partisë, që dekurajonte pjesën e madhe të aktivistëve e kuadrove të rryera politike dhe ekspertëve të mirëfilltë e të dëshmuar si profesionistë dhe si punëtorë të palodhshëm, gjithënjë në shërbim të partisë dhe kauzës tonë kombëtare.

Pra, kishte, që nga themelimi i PVD-së më 19 gusht 1990, parazitë nga më të ndryshmit, të cilët e kanë dëmtuar, madje shumë rëndë imazhin dhe autoritetin e kësaj partie në opinion dhe në popull, apo, si themi ne preshevarët, "në çarshi".
Mirëpo,"e zeza" partisë i ndodhi, duke e hedhur atë në opozitë të pashpresë, një dekadë të plotë, atëherë kur byrokratizimi dhe uzurpatorët e përmendur e dominuan definivisht partinë, duke i demotivuar idealistët dhe veprimtarët e devotshëm, por edhe shumë votues të devotshëm, t'i pasivizojnë e zhgënjejnë, disa prej tyre formuan parti të reja, kurse një pjesë më e vogël e tyre iu bashkëngjit partive të tjera politike.
Natyrisht, me këtë edhe votuesit e PVD-së u orientuan gjithandej, duke ia mohuar kësaj partie votëbesimin për qeverisjen me pushtetin lokal të Preshevës.
Ky përshkrim i historikut të "fitoreve dhe dështimeve" të kësaj partie ka për qëllim mobilizimin e Degës, Nëndegëve dhe anëtarësisë dhe veprimtarëve, se na pret rrugë e vështirë, por e lavdishme e bindjes së votuesve në vlerat tona dhe në ndryshimet e pritëshme të keqqeverisjes aktuale dhe largimit të tyre të turpshëm, duke ia lënë të hapur rrugën qeverisjes së mirë, profesionale dhe sukseseve që po vijnë!
Nuk mundem ta përfundoj këtë shkrim, pa e ndarë me ju dhe me anëtarësinë e PVD-së habinë, por dhe zhgënjimin e madh me sjelljen jodemokratike, jokorrekte dhe tmerrësisht karrieriste, tërësisht të papranueshme dhe si shembull i keq e qyqar të Sabri Mehmetit. Aq më parë që është edhe këshilltar i kuvendit komunal, me mandatin e PVD-së.

Por, ky "pësim" është edhe "mësim" për ne, madje në kohën e dukur. 
Sepse, me rastin e kandidimit të këshilltarëve të ardhshëm komunal, për mandatin 2016-2020, duhet vendosur obligimin ose kushtin që të njejtit ta nënshkruajnë (blanko) Deklaratën se: "Mandati është i Partisë" dhe në rast largimi eventual nga partia, me cetëdëshirë do e dorëzoj mandatin e këshilltarit.

Pra, Sabri Mehmeti, pasi u vetëkandidua, siç deklaroi vet, "pa e pyetur kryetarin" për kryetar dege, madje edhe organizoi "fushatë" në TV Aldi, paraqiti presedan të paparë dhe, në njëfarë mënyre, puç brendapartiak! 

Duhet të jetë i sinqertë z. Sabriu e të tregoj para opinionit se si u "kandidua" ai në Nëndegë: 
A e propozoi ndokush aty Sabriun për kryetar dege, apo, mozomakeq, ai e propozoi veten dhe pastaj i kërkoi nënshkrimet e anëtarëve të Degës?!
Cila është e vërteta, z. Sabri Mehmeti?
Sa për informimin Tuaj, që mbase e din çdo veprimtar partiak, besoj edhe ju vet, se postet partiake bëhen me propozimin e të tjerëve, e kurrësesi jo me propozimin e vetvetes, dhe votohet në Nëndegë, e tek pastaj merren nênshkrimet e anëtarëve të Nëndegës për paraqitjen zyrtare të kandidaturës.

 Por, marrja e nënshkrimit (haptas) dhe dhënia e votës, apo votimi në Kuvendin e Degës, zotëri i nderuar, kanë ndryshim të madh. 
Sepse, edhe në mbledhje, dmth gjatë mbledhjes zgjedhore, mund të paraqitet ndonjë kandidat, i cili aty për aty i mbledh 20 nëshkrime nga anëtarët e Degës.
Sido që të jetë puna, populli thotë: "Ra kjo dekë e u pamë!"
Më vjen shumë keq se nuk të kam njohur si të tillë! 
Shpresoj se është njerëzore që, ndonjëherë, njeriu të shprehë ndonjë dobësi  momentale karakteri, si pasojë e zemërimit të rastit, por është burrërore që të kërkohet falje.

Në fund, Kryesisë së Degës së PVD-së në Preshevë, i uroj punë të mbarë dhe suksese.
Ju priftë e mbara!!!
Me respekt, 
Nehat Hyseni

Thursday, December 24, 2015

Ministria e féve në Qeverinë e re, e domosdoshme


Nga Nehat Hyseni - Se a ka vehabizëm dhe sa është i shtrirë në Kosovë, Shqipëri, Maqedoni dhe në Luginë të Preshevës, mund ta kuptojmë vetëm pas studimit të mirëfilltë të kësaj dukurie dhe të këtij fenomeni sfidues tek ne.
Por, edhe një njohje sipërfaqësore apo edhe mospasja e njohurive elementare reth kësaj teme, por vetëm pamjet në rrugë të personave me mjekrra karakteristike për vendet arabe, si dhe pantollonat e shkurtëra dhe të gjëra si shallvare tek meshkujt dhe mbulesa dhe shamitë dhe mbulesa e fytyrës tek femrat, flasin për praninë gjithënjë e më të madhe të tyre në trevat shqiptare në Ballkan.

Pra, prania e lëvizjes ekstremiste islame tek ne është evidente, si dhe shtimi dhe forcini i tyre permanent në këto troje, që vërehet edhe me rekrutimin e një numri të konsuderueshëm të të rinjëve në luftën e Sirisë, në Irak e gjetiu në vendet tjera islamike Lindjen e Afërt dhe të Mesme.

Ky fenomen i ekstremizmit islamik tek ne mendoj se "importohet" në disa mënyra:

1. Së pari, ka shumë gjasa se ai importohet me anë të hoxhallarëve të cilët janë shkolluar në vendet arabe, ku janë zyrtare shkollat e ndryshme islame johanefite dhe ata padashje dhe ndoshta të pavetëdijshëm sjellin "dituri islamike" të ndryshme nga islami tradicional i shkollës hanefite tek ne, duke e ndryshuar të falurit tek xhemati dhe duke na sjellur si "zbulim" mënyrën e të falurit të shkollave (meth'hebeve) tjera islamike.

Shpeshëherë ata i quajnë këto si "njohuri të reja", e që në fakt janë mësime të ndryshme nga islami sunit i shkollës hanefite tek ne.

Të tillë janë hoxhallarët të cilët shkollohen në universitetet e Arabisë Saudite, në Jordani, Siri, etj.

Kurse, për dallim prej tyre, hoxhallarët që shkollohen në Universitetin më të madh islamik në botë "al' Az'har" në Kajro të Egjiptit i përshtaten më së miri islamit tradicional dhe filozofisë fetare islamike tek ne.

Edhepse një pjesë e hoxhallarëve të përmendur që kanë studiuar në shkollla të stilit të islamit jotradicional të trojeve tona, mund të jenë të pavetëdijshëm për dëmet që ua sjellin islamit dhe në përgjithësi shqiptarve në Ballkan, megjithatë pjesa më e madhe e tyre janë rekrutuar në OJQ të ndryshme islamike nga vendet e studimit të tyre dhe financojnë përkthime të literaturës islamike të shkollave (meth'hebeve) të tjera islamike.

Kosova është stërmbushur me libra të tillë islamik, pjesa më e madhe e të cilëve paraqesin ide ekstremiste dhe të papranueshme dhe shumë të rrezikëshme meqë propagandojnë islamin politik dhe radikal, që nuk i kontrollon askush tek ne, as Bashkësia Islame e Kosovës dhe as shteti.

Librat e tillë shiten kudo nëpër rrugët e Prishtinës dgee qyteteve tjera të Kosovès dhe nëibraritë e veçanta islamike.

2. Bashkësia Islame e Kosovês (BIK) është plotësisht jashtë kontrollit të shtetit të Republikës së Kosovës, jashtë çdo kontrolli shoqēror dhe nga kontrolli i besimtarëve islamikë tek ne.

Askush nuk i kontrollon financat e BIK-ut dhe Myftiu Naim Tërnava më tepër sillet si një sheik i vendeve arabe e më pak si i pari i myslimanëve shqiptarë të Kosovës.

Jemi dëshmitarë se hoxhallarët tanë financohen nga burime të panjohura dhe shumë të dyshimta. Madje, ekspertët e kësaj lëmie pohojnë se vetëm gjatë vitit 2013 në Kosovë nëpërmes BIK-ut kanë hyrë mbi 50 milion dollarë, që kanë përfunduar në xhepat privat të hoxhallarëve ekstremistë në Kosovë.

Një pjesë e madhe e tyre marrin nga 4 rroga emë tepër, siç u pa rasti imryetarit të BIK-ut për Gjilan nga emisioni i paradokohshëm në RTK.

Pra, një pjesë e madhe e hoxhallarëve të tillë marrin paga të majme mijëra dollarëshe për përhapjen e vehabizmit dhe të ekstremizmit islamikë në Kosovë.

Ata veprojnë publikisht, para syve tanë dhe asnjë institucion shtetëror nuk merret me kontrolimin e aktiviteteve dhe financimit e veprimit të tyre.

3. Shteti i Republikës së Kosovës ka neglizhuar plotësisht obligimin e vet të kontrollmiit të veprimit të institucioneve fetare.

Nuk ka asnjë institucion shtetëror që do të merren me ato! Prandaj, konsideroj se është i domosdoshêm formimi i Ministrisë fetare pranê Qeverisë së re, që do të merrej me këtë çështje.

Kjo ministri do ta kontrollonte financimin kaotik të feve në Kosovë, sepse kontrollimi i financave do ta kontrollonte dhe identifikonte qarfë burimin e financimit dhe të fuqizimit të ekstremizmit fetarë në Kosovë.

Sepse, mos të harrojmë se në mbi 800 xhamia gjithandej nëpër Kosovë ligjërojnë hoxhallarë të ndryshëm pa kurrëfarë plani dhe programi paraprak, por vetëm sipas dëshirës, hamendjes dhe vullntetit të vet personal.

Mbase detyrë elementare e BIK-ut dhe e shtetit të Republikes se Kosovës do të ishte vënia e rregullit dhe kontrollit e disiplinës elemmentare në këtë lëmi, konform interesave të shoqërisë kosovare.

Friday, December 18, 2015

A (s) do të liberalizohen vizat për kosovarët në vitin 2016?






Shkruan: Nehat Hyseni

"Sihariqi" për liberalizimin e vizave për kosovarët në vitin 2016, sot u kumtua në të njejtën  kohë me mohimin e tij! Pastaj, "vulën" ia vuri dilemave dhe lajmeve kontradiktore, përfaqësuesi i BE-së në Kosovë, duke deklaruar se "Raporti" për Kosovën është "pozitiv", mirëpo Kosova duhet plotësuar edhe 8 kushte apo pikë për të fituar kosovarët për udhëtim pa viza në vendet e BE-së.
Frustrimi ekstrem i Hashim Thaçit me rastin e publikimit të lajmit fillestar se Kosova nuk do ket liberalizim vizash edhe në vitin 2016, paraqet bllofin e tij politik të radhës. 
Sepse, ai na ka "premtuar" qe katër-pesë vjet e më tepër, gjatë fushatave parazgjedhore, se "liberalizimi i vizave do të ndodhë së shpejti", natyrisht, poqese votohet PDK. Dhe ky premtim rindodhi disa herë, si dhe votimi i partisë së tij nga votuesit e mashtruar.
Por, populli dhe votuesit e PDK-së kot pritën realizimin e atyre premtimeve (lexo:mashtrimeve) elektorale dhe liberalizimi nuk ndodhi se nuk ndodhi, deri më sot. 
Katër-pesë vjet pritjesh të kota dhe zhgënjimesh kaluan pas premtimit të pandërprerë, ashtu si dhe marrja e votave nga PDK dhe Hashim Thaçi, në bazë të atyre premtimeve të kota e mashtrimeve të qeverisjes së Kosovës nga z. Thaçi. 

Liberalizimi i vizave nuk ndodhi edhe kësa here dhe nuk dihet me siguri se kur do të ndodhë realisht, meqë u dashka të plotësohen edhe 8 kushte shtesë, nga të cilët supozohet se do të jetë zhdukja e korrupsionit me ndryshime "kirurgjikale" në sistemin e prokurimit në Kosovë, ku do duhej zëvendësuar personat partiak në organet e prokurimit në të gjitha instancat, me persona jopolitikë, dmth jopartiakë. Qëllimi i këtyre ndryshimeve do ishte mdërprerja e praktikës së deritanishme të dhënies së përqindjes prej 10% e deri në 30% e më tepër nga operatorët ekonomikë për marrjen e tenderëve nga autoritetet kontraktuese, ku fjalēn kryesore e kanë personat e fuqishëm politikë, të emëruar nga partitë politike, kryesisht të koalicionit aktual të qeverisjes së Kosovës.

"Frustrimi" i tërbuar dhe thirrja e Thaçit për protesta kundër BE-së është personale dhe nuk ka të bëjë fare me ndonjë kauzë kombëtare apo shtetërore të Kosovës, por vetëm me interesat e tij personale e partiake, që pretendon se u tradhëtuan nga BE. 

Jo, jo! Kurrësesi jo! Mos të mashtrohemi dhe mos të bijmë në trukun dhe mashtrimin politik të tij të radhës se ai, kinse na qenka "befasuar" nga ky "lajm i hidhur"! Sepse, secili njeri normal i këtij vendi e din, prandaj edhe Thaçi vet, se Kosova është duke paguar një kosto të lartë të rrënimit të imazhit të saj, me maskarallëqet kriminale në Kuvendin e Kosovës, të keqmenaxhuara nga Veseli dhe Thaçi, si dhe koston e imazhit të rrënuar në botën demokratike dhe tek miqtë tanë ndërkombëtarë,  me ryshfetin dhe korrupsionin enorm, që rezultuan me mospranimin e Kosovës në UNESCO para pak kohësh, si dhe tani me mosliberalizimin e vizave.

Ky dështim i madh i Kosovës i atribuohet në rend të parë kryediplomatit dhe Zëvendëskryeministrit aktual të Kosovës, Hashim Thaçit personalisht. Dhe, e keqja më e madhe është se Hashim Thaçi synon postin e Presidentit të Kosovës, që nga prilli i vitit 2016, dmth pas tre muajsh. 

Prandaj, vlerësimi negativ i tij nga BE dhe dështimet e tij diplomatike në Dialogun e Brukselit dhe nënshkrimin famëkeq e të turpshëm të Marrëveshjes së 19 prillit të vitit 2013, në Bruksel, që ishte skajshmërisht i dëmshëm dhe i papranueshëm, meqë e bëri shtetin e Kosovës skajshmërisht jofunksional, duke u siguruar serbëve të Kosovës të drejta e liri etnike mbi të gjitha standardet ndërkombëtare, kurse shqiptarët e Luginës së Preshevës i injoroi dhe tradhëtoi paturpësisht!

Nuk u komprometua Republika e Kosovës vetëm në planin e politikës së jashtëme në vitin 2015, të udhëhequr nga Ministri i punëve të jashtëme, z. Hashim Thaçi, e që rezultoi me mospranimin në UNESCO dhe mosliberalizimin e vizave, por edhe në politikën e mbrendëshme, ky dështim është akoma edhe më i madh!

Atëherë, çfarë të mire, vallë, do i siguroj Hashim Thaçi poqese zgjidhet President i Kosovës, në politikën e jashtëme, si dhe çfarë stabiliteti politik, vallë, do i sillte ai si figurë (dez) integruese që është, në politikën e brendëshme të Republikës së Kosovës?

Prandaj, ky do ishte pakë a shumë një sqarim racional i sjelljes ekscentrike dhe të çuditëshme, të frustruar, nervoze e të pakontrolluar të Hashim Thaçit kohëve të fundit.

Kurse, tek qytetarët e Kosovës është ngulitur trishtimi se kjo gjendje e çmendur në politikën e brendëshme dhe kaosi në punën e Kuvendit të Kosovës dhe denigrimi dhe rrënimi i imazhit të Republikës së Kosovës, me zgjedhjen eventuale të Hashim Thaçit President, do zgjasnin pafundësisht, duke marrë madje hov edhe më të vrullshëm drejtë ambisit
edhe më të tmerrshëm!

Prandaj, Hashim Thaçit e Isa Mustafës nuk i përket të çirren e të piskasin vend e pa vend, si dhe ta thërrasin popullin e Kosovës kundër BE-së, por duhet ta ulin kokën dhe të punojnë për t'i përmbushur sa më parë 8 kushtet e caktuara nga BE dhe të ndizet drita jeshile për liberalizimin e vizave edhe për kosovarët.

Mungesa e konsensusit brenda lidershipit kosovar, prodhon kriza

Mungesa e konsensusit brenda lidershipit kosovar, prodhon kriza

kuvendiii-659x494

Gazi lotsjellës, filikaqa, hedhja e ujit dhe sharjet në Kuvendin e Kosovës po e dërgojnë vendin drejtë një krize të thellë, nga e cila nuk dihet se si do të dilet. Duket se marrëdhëniet e acaruara në mes të liderëve politikë të vendit kanë mbetur që nga kriza institucionale e vitit të kaluar dhe tani vetëm sa janë thelluar.

Njohës të çështjeve politike bllokadën institucionale gjashtëmujore të vitit të kaluar dhe këtë të tanishmën e shohin edhe si rezultat të mungesës së konsensusit ndërshqiptar brenda lidershipit kosovar, pasi deri më tash liderishi kosovar është përkujdesur vetëm për konsensus me faktorin ndërkombëtar dhe me faktorin serb në Kosovë, i cili është tejmase i ndikuar dhe i manipuluar nga udhëheqja e Serbisë.

Kur mungesës së këtij konsensusi i shtohen ambiciet politike, lufta për pushtet me çdo kusht për ta mbajtur apo për ta marrë, interesat, si dhe inatet personale, atëherë nuk është e vështirë për të konkluduar se përse vendi ballafaqohet me situata të këtilla janë ato që e kanë sjellë vendin në një situatë të tillë, vlerësojnë njohësit e çështjeve politike në vend.

Sipas tyre, në njërën anë është koalicioni qeverisës, i cili që nga fillimi nuk e përfilli opozitën, madje edhe e injoroi, ndërsa në anën tjetër opozitën e cila që nga konstituivi i shpalli luftë kësaj qeverie.

Kërkesa e opozitës që qeveria të tërhiqet nga nënshkrimet për marrëveshjet me Serbinë, të arritura në Bruksel më 25 gusht, sidomos nga ajo për Asociacionin e komunave serbe dhe nga nënshkrimi i demarkacionit për kufirin me Malin e Zi, të nënshkruar në Vjenë, duket e parealizueshme edhe për vetë opozitën, po ajo me këtë synon ta rrëzojë qeverinë, ndonëse e ka të sigurt se nuk mund ta marrë pushtetin as me zgjedhje të jashtëzakonshme.

Po pse duhet të rrëzohet atëherë qeveria nëse nuk mund të merret pushteti, nëse jo për të dhënë sinjalin e qartë se çdo qeveri që koketon me këdo në dëm të sovranitetit dhe territorit të Kosovës do ta pret e njëjti fat, atëherë për inate të ndërsjella personale të liderëve aktual të subjekte politike në pozitë dhe opozitë.

Zgjedhja e partive opozitare për ta bllokuar Asociacionin e komunave me shumicë serbe apo siç e quajnë ato “Zajednicën” dhe demarkacionin e kufirit me Malin e Zi, duke e bllokuar punën e Kuvendit të Kosovës me mjete jodemokratike, duket se nuk e ka miratimin as të elektoratit të tyre, i cili është i vetëdijshëm se edhe te pozita ka me bollëk veprime jodemokratike në raport me qytetarët dhe me opozitën.

Sipas analistëve politikë, liderët tanë politik e kanë dëshmuar disa herë që nuk janë në gjendje që të zgjedhin një problem politik pa ndërhyrjen e ndërkombëtarëve. Por, ndërhyrja e tyre nuk po mungon as në këtë situatë, ndërsa ende nuk dihet sa do të jenë efektive tërheqja e vërejtjeve nga ta.

Nehat Hyseni, njohës i rrethanave politike në vend, ka thënë për KosovaLive se inatet personale kanë për bazë interesat politike gjë e cila e ka sjellë vendin në këtë situatë si është.

Ta kesh pushtetin politik në Kosovë do të thotë të pasurohesh pafund ‘në emër të patriotizmit’. Ne kemi mendësi aziatike të (keq)qeverisjes, të tipit të osmanlinjëve dhe sheikëve të papërgjegjshëm politik”, ka thënë Hyseni.

Sipas tij, meqë zgjedhjet në Serbi do ta stoponin dialogun e Brukselit, edhe Kosova do të duhej të shkojë në zgjedhje të jashtëzakonshme parlamentare, duke e mbyllur kështu krizën politike aktuale me opozitën, duke prodhuar mazhorancën e re politike.

Po që se do të fitonte opozita aktuale, ‘Zajednica’ do shndërrohej në ‘Bashkësi’ dhe do të harrohej çdo gjë e thënë dhe e bërë në vandalizmin dhe tymnajën aktuale politike, duke siguruar, përveç pushtetit, ose të drejtës për zhvatjen e shtetit, edhe një mbrojtje shtesë nga gjykata speciale”, thotë Hyseni.

Ai thekson se “meqë do të shtyhej themelimi i gjykatës speciale, efektet e gazsjellësit në Parlament, të realizuara me ‘shkeljen e syrit’ nga kryeparlamentari Veseli dhe tarafi i tij diverzant kundër qeverisë Mustafa, do fitonin në kohë nga kjo tymnajë politike”.

Mbase ky do ishte minimumi i ambicieve dhe pretendimeve të tyre, tani për tani. Kurse, më vonë, pse jo, Veseli do e merrte tymonin e shtetit, duke u imponuar edhe formalisht si ‘violinë e parë’ që do të na e dirigjonte politikën kosovare, së paku për katër vitet e ardhshme”, thotë Hyseni për KosovaLive.

Analisti Islam Krasniqi, në një prononcim për KosovaLiveshpreson që ndërhyrja e Ambasadës amerikane të ketë efekt në tejkalimin e krizës politike në vend, edhe pse sipas tij, kjo tërheqje e vërejtjes nga ambasadori amerikan gjatë takimin me presidenten Atifete Jahjaga mund të shkojë në vesh të shurdhër.

Ai ka thënë se përgjegjës për këtë situatë në vendin tonë janë të gjithë duke filluar nga presidentja e vendit e deri të qytetari me i thjeshtë.

Kryeministri merr vendim pa u konsultua me askënd edhe pse ato vendime janë tejet të ndjeshme, madje edhe kundër interesit të vendit dhe qytetarëve të tij, përkrahet nga pozita dhe e injoron opozitën. 

Presidentja nuk ka fuqinë e të parit të shtetit që t’i mbledh partitë politike dhe të gjejnë një kompromis, por heshtë dhe vepron në bazë të udhëzimeve që ja ofrojnë partitë në pushtet. Dhe, një pjesë të fajit e kanë edhe qytetarët, të cilët çdo herë votojnë partitë e njëjta dhe nuk provojnë alternativë tjetër”, thotë Krasniqi.

Lidhur me dialogun mes Kosovës dhe Serbisë dhe daljes nga situata e krijuar në vend, Krasniqi thotë se që nga fillimi dialogu ka filluar në mënyrë të mbrapsht, duke vepruar në interesa personale. Sipas tij, Kosova do të ketë vazhdimisht probleme që burimin do ta kenë në marrëveshjet me Serbinë, respektivisht dialogun me Serbinë, të cilin Kosova e ka pranuar pa kurrfarë kushti. Madje ai mendon se Kosova nuk do të jetë dhe nuk do të mund të trajtohet si shtet normal deri në ndryshim të Kushtetutës së saj.

Nëse vazhdon bllokada në Parlament dhe nuk mund të gjendet zgjidhje për tejkalimin e kësaj krize, duhet të ndryshohet Kushtetuta e Kosovës me referendum, që populli të vendos  vetë. Shkuarja në zgjedhje të jashtëzakonshme është vetëm në dëm të Kosovës dhe buxhetit të saj. Po në qoftë se është e pa mundshme një gjë e tillë, atëherë duhet të krijohet një qeveri teknike, e cila do të jetë funksionale deri në zgjedhjet e jashtëzakonshme”, mendon Krasniqi.

Analisti Naim Rashiti thotë se marrëdhëniet e acaruara në mes të pozitës dhe opozitës kanë mbetur që nga kriza institucionale e vitit të kaluar dhe sipas tij, ato do të vazhdojnë të acarohen, sepse partitë nuk i kanë eliminuar të metat, zbrazëtirat legale dhe dëmet afatgjate të krizës  institucionale.

Ka nevojë për dialog, por jo vetëm për takime e pajtim mes qeverisë e opozitës, por për procese politike që ndihmojnë në zgjerimin e konsensusit për tema të rëndësishme. Një prej tyre është ballafaqimi me konsekuencat e krizës institucionale. Dy, duhet të jetë gjetja e rrugës për pjesëmarrjen e opozitës në procesin e dialogut; kjo bëhet përmes negocimit të një platforme shtetërore në raport me procesin e normalizimit të marrëdhënieve me Serbinë. Pastaj procesi i liberalizimit të vizave, si prioritet shumë i rëndësishëm”, thotë Rashiti.

KosovaLive ka tentuar që të marrë mendime edhe nga deputetë të partive në pushtet dhe opozitë, por ata nuk kanë dashur që të flasin rreth situatës së krijuar në vend.

Publikuar: 17 October 2015, 9:55

Të ngjajshme