Saturday, October 24, 2015

VDIQ YMER SHABANI, FIGURA EMBLEMATIKE E ARSIMIT DHE KULTURËS PRESHEVARE DHE MBARËKOMBËTARE


     

           (1937-2015)

Sot, më 24 tetor 2015, u shua në moshën 78 vjeçare, Ymer Shabani, figura më emblematike e arsimit dhe kulturës preshevare dhe mbarëkombëtare.

Ky Lajm i hidhur, na ka tronditur thellë!

 Humbja e këtij njeriu të madh, kolosit të arsimit në komunën e Preshevës, që edukoi dhjetra gjenerata me përkushtim dhe pedantëri të pashoq, ka bërë që z. Ymeri të përmendet kudo në Luginë të Preshevës, në Kosovë dhe në të gjitha trojet shqiptare dhe në diasporë, nga ish nxënës të tij dhe kolegë, si kampion i arsimdashësit dhe mësimdhënësit, e mbi të gjithat, i edukimit brilant të dhjetëra gjeneratave të nxënësve të tij, që aq shumë i deshti, mësoi dhe edukoi sipas traditës tonë të shkëlqyer kombëtare dhe kulturës bashkokohore.

Zotni Ymeri, si e thërrisnin të gjithë, i madh e i vogël në Preshevë, ishte njeri jashtëzakonisht i dashur dhe i respektuar nga të rinjtë, mosha e mesme, që shumicën prej tyre i kishte pasur nxënës, si dhe nga të vjetrit. 

Por, mbi të gjithat, për pedagogët, mësuesit, arsimtarë, profesorët dhe në përgjithësi për mësimdhënësit, zotni Ymeri ishte model i përkryer, nga përvoja dhe performansa e tij në arsim, të gjithë me ëndje mësonim.
Devotshmëria e tij e pashoq ndaj arsimit dhe edukimit të gjeneratave të reja është e madhe, madje e pakrahasueshme. 

Ai, me përkushtimin më të madh i ka ruajtur në shtëpi të gjitha hartimet e nxënësve të vet nga lënds e matematikës, në dyzet vjetët e përvojës mësimore si arsimtar i kësaj lënde!
 Bile, shpeshë ish nxënësit kur e pyesnim për hartimin e tyre, të para 40-50 vjetëve, zotni Ymeri ua thoshte aty për aty notën, madje edhe gabimet ku i kishin bërë! 
Kjo i mahnitëte të gjithë, por edhe dëshmonte nivelin e përkueshtieshmërisë dhe devotshmërisë së tij ndaj arsimit.
Gjithashtu, z. Ymeri ka qenë valltar i shkëlqyeshëm dhe ka marrë pjesë me grupin e valltarve të Preshevës, në kuadër të SHKA "Abdulla Krashnica", së bashku me kushëririn tonë, ikonën e valles shqipe në SHKA " Shota" të Prishtinës, Orhan Shabanin, në shumë shfaqje në Preshevë, Kosovë, Maqedoni dhe në diasporë. 

Aktiviteti dhe kontributi i madh i tij ishte edhe në Grupin dramatik, ku z.Ymeri ka lënë gjurm të pashlyeshme, me performansën prej aktori brilant në shumë role, ku e shpalosi talentin e tij prej aktori të madh.

Talenti i tij dhe pedantëria e përsosur e tij e bënë që z.Ymeri të ishte edhe ideator dhe kreator i shumë evenimenteve kulturore e artistike në komunën e Preshevës. 

Ymer Shabani shquhej me pamjen e përkryer si moderator dhe udhëheqës i shumë programeve. 

Veçanërisht ka lënë gjurmë të paharrueshme në organizimin dhe udhëheqjen brilante të Kuizeve të Diturisë, pyetjet e të cilave i hartonte dhe përpilonte vet dhe sigurohej konfidenca maksimale që përgjigjet mos të rrjedhnin tek pjesëmarrësit apo publiku, që siguronte korrektësi të përsosur dhe cilësi brilante organizative. 
Prandaj, biletat shiteshin heret dhe salla e Shtëpisë së Kulturës stërmbushej me spektarorë, që kënaqeshin në ato shfaqje.
Zotni Ymeri ishte i respektuar shumë nga Preshevarët. 

Dituria e gjithanëshme dhe e pafund e Ymer Shabanit vinte në shprehje edhe tek fjalëkryqët famoz që i hartonte për pothuajse të gjitha gazetat dhe revistat enigmatike në hapsirën kulturore shqiptare.
Këtë aftësi të tij, ai e përcolli me sukses te djemtë e tij Bekimi dhe Enisi, kurse djalit të vogël, "sugarit" Kujtimit ia trashëgoi artin e vallëzimit, të cilin ai e praktikon me shumë kënaqësi.

Kur dilte në rrugë, dikur praktikohej edhe korzoja, dmth shetitjet e gjata në rrugën kryesore të Preshevës, nga qendra e deri te Shkolla fillore, kurse disa e zgjatnin nga lokacioni i kishës e deri te "livadhet", zotni Ymeri e hijeshonte korzon me pedantërinë e tij përkryer, prej zotërie të lindur.
Ymer Shabani do të mbetet gjithēmonë në kujtimet më të këndëshme të familjes, farefisit, shokëve dhe miqëve e kolegëve të tij të shumtë, preshevarëve, Luginës, Maqedonisë, Kosovës, diasporës dhe mbarë Shqiptarisë, të cilëve u shprehim ngushëllimet tona më të sinqerta për humbjen e kësaj figure të madhe kombëtare.

I lehtë i qoftë dhe i Preshevës, të cilën aq shumë e deshti dhe ia përkushtoi jetën e tij të bujëshme me devotshmëri e përkushtim të pafund!
Lavdi jetës dhe veprës së tij jetësore kolosale!!!
Zoti i Madhëruar e shpërbleftë me Xhenet!
Nga
Nehat Hyseni

Thursday, October 22, 2015

"Republika e Tretë", si ultimatum!



Shkruan: Nehat Hyseni

Në pyetjen se pse, vallë,  nuk po i dorëzohen organeve të drejtësisë së Republikës së Kosovës deputetët e opozitës, Albin Kurti, Albulena Haxhiu, Donika Kafa-Bujupi, etj., të cilët kanë kryer vepër penale për armbajtje pa leje dhe për hedhjen e gazit lotësjellës në sallën e Kuvendit të Kosovës, vështirë e kemi t'i përgjigjemi, pa i njohur rethanat politike aktuale në Kosovë, të cilat paraqesin përjashtim nga demokracitë normale në botë. 

Për më tepër, demokracia kosovare shumë pak i përngjet truallit europian, në të  cilin bënë pjesë gjeografikisht.

Sepse, demokracia këtu kuptohet më tepër sipas bindjes aziatike, madje të shekullit XIX e XX, ku demokracia paraqet liri dhe drejtësi pa kufi për akterët politik dhe pushtetmbajtësit, kurse robëri dhe vuajtje e bindje pa kufi për popullin. 

Pra, pushtetmbajtësit dhe akterët politik veprojnë pa u trazuar fare se ligjet duhet të vlejnë edhe për ata. 

Madje, sipas të kuptuarit europian të demokracisë, politikanët, si bartës të funksioneve dhe detyrave e obligimeve publike kanë obligime shtesë për respektim të ligjit. 

Kurse, "aziatikët" tanë mendojnë se kanë imunitet ndaj ligjit, për çkado që bëjnë!

Ata, po t'i ndalë policia në rrugë, psh për kundërvajtje në komunikacion, me përtedë e hapin xhamin (e errësuar) të makinës dhe ndjehen të frustruar dhe nervozuar dhe pyesin plotë fodëlluk e përbuzje: "A e din se kush jam unë?!" 

Pra, duan të thojnë se ata janë mbi ligjin dhe se ligji nuk vlen për ata, dmth për "elitën" politike, por vlen vetëm për popullin e shkretë.

Prandaj, Albin Kurti & Company janë duke vepruar pikërisht kështu, dmth se i japin vetes liri të bëjnë vepër penale, duke penguar punën e Kuvendit të Kosovës dhe duke e shkatërruar pronën publike dhe private sa e sa herë deri më tani. 

Mirëpo, drejtësia e Republikës së Kosovës, e njohur si "drejtësi selektive" e tipit më të egër aziatik, nuk arriti asnjëherë deri tek "peshqit e mëdhenjë" të politikës kosovare, e as tek Albin Kurti me shokë.

Albin Kurti tani më e ka shpallur veten Mbret të Kosovës, kurse Kosovën Monarki Absolute (joparlamentare), ku Sovrani nuk i nënshtrohet ligjeve dhe Kushtetutës të shtetit, për dallim nga monarkitë parlamentare së Europës (Belgjikë, Holandë, Norvegji, Angli, etj), ku mbreti i nënshtrohet ligjit. 

Kurse, për republikë, ku respektohet ligji dhe institucionet demokratike, as që bëhet fjalë.

Pra, Albin Kurti dhe opozita aktuale e Kosovës e kanë shpaluir veten mbretër aziatiko-afrikanë, si pronarë të shtetit dhe të së drejtës në te.

Prandaj, kuptohet se, opozita aktuale, e udhëhequr ideologjikisht nga Albin Kurti, kurse e pasuar verbërisht nga Ramush Haradinaj dhe Fatmir Limaj, kanë zbuluar se ata janë përfaqësuesit hyjnorë, si faraonët e dikurshëm,  të popullit, në rrugëtimin e tyre "patriotik" drejtë "Republikës së Tretë" të Albin Kurtit.

Prandaj, "në emër të "Republikës së tretë", të cilën do ta udhëhiqte e sundonte Albin Kurti me Ramush Haradinajn e Fatmir Limën, sipas tyre, lejohen të gjitha maskarallëqet dhe aktivitetet diverzante kundër shtetit, si dhe mosrespektimi i Kushtetutës dhe ligjeve të Kosovës.

Fillimisht, synohen zgjedhjet e jashtëzakonëshme parlamentare, me detyrë dhe obligim që të votohen nga populli! 

Sepse, poqese nuk i fitojnë zgjedhjet, ata sipas Albin Kurtit, nuk do t'i pranonin rezultatet e atyre zgjedhjeve, duke e vazhduar kështu, siç deklaroi Kurti në emisionin Opinion të Blendi Fevziut para pak kohësh, do e vazhdonte shkatërrimin e Kosovës "deri në fitoren definitive" të "Republikës së Tretë", ku ata do të sundonin "në emër të popullit"!

Prandaj, ata "në emër të demokracisë" e rrënojmë, përdhosin, shkelin e kompromitojnë atë, si dhe në emër të drejtësisë e shkelin ligjin dhe nuk i respektojnë institucionet demokratike, si dhe në emër të "Republikës së Tretë" të Albin Kurtit, nuk e respektojnë as shtetin e as Kushtetutën e Republikës së Kosovës.

"Lotë krokodili" për Rektorin



Shkruan: Nehat Hyseni

Gjashtë veta, në orët e pasdites së të mërkures, më 21 tetor 2015, e shkarkuan "Don Kishotin" e Kosovës, rektorin e Universitet publik "Hasan Prishtina", në Prishtinë.

Anëtarët e Këshillit Drejtues që votuan për shkarkimin e Rektorit Ramadan Zejnullahu, janë:
1. Fevzi Berisha (anëtar i Këshillit të Përgjithshëm LDK)
ax2. Alberta Troni (anëtare e Këshillit të Përgjithshëm LDK)
3. Zeqir Veselaj (SHIK)
4. Shefkije Islamaj (MASHT-PDK)
5. Beqir Sadikaj (PDK)
6. Kemajl Bislimi (PDK)

Pra, kjo flet qartë se të gjithë anëtarët e KD janë nga proviniensa politike. 

Rrjedhimisht, edhe vota e tyre ka qenë e motivuar dhe dirigjuar nga politika, madje nga dy parti politike: dy nga LDK dhe 4 nga PDK, dmth nga koalicioni aktual i qeverisjes së Kosovës.

Gjykuar sipas performansës së këtyre dy partive në UP, që e kanë dërmuar nga themeli, një rektor si Ramadan Zejnullahu, i njohur si personalitet me kredibilitet maksimal moral dhe skajshmërisht parimor, kuptohet se i ka prekur edhe interesat personale të pushtetmbajtësve aktual. 

Prandaj, ata organizuan puç politik brenda UP, të prirë nga Bujar Dugolli (ish AAK), Ethem Çeku ( ish AAK) dhe nga Shefkije Ismajli (PDK).

Natyrisht se motivi themelorë i aktivitetit të tyre diverzant kundër Rektorit Zejnullahu ishte ruajtja e pozitave të tyre monopoliste në UP në bazë të "doktoraturave" të tyre false dhe pasurimit të tyre marramendës nga mbjellja e territ dhe mosdijes dhe pasurimi nga shitja e notave dhe diplomave. 

Përkatësia politike e partiake e secilit prej tyre është e qartë si drita e diellit. 

Por, ata po mbulohen nga shefat e tyre me mbjelljen e demagogjisë së tmerrëshme të shefave të tyre.

Shtrohet pyetja se pse, vallë, pikërisht më 21 tetor 2015, në ditën kur KD i UNESCO-s ia dha vizën pranimit të Kosovës në te, në te, ndodhi shkarkimi i Rektorit?!

Natyrisht, kjo ndodhi për efektin e përbiejes së këtij helmi të hidhur për shumicën e popullit të Kosovës, me "ëmbëlsirën" nga UNESCO, me gjasë për t'u përbirë më leht.

Me siguri se supozohej se populli i dehur nga gëzimi për hapin e parë për pranim në UNESCO, do ta harronin Shkarkimin e Rektorit, si ngjarje më pak e rëndësishme?

Demagogjia më e madhe ndodhi kur urdhëruesit e shkarkimit të Rektorit, Hashim Thaçi, Isa Mustafa dhe të tjerët, ngritën zërin "kundër" shkarkimit të tij.

Kjo flet qartë për fatin e mjerë të këtij populli që udhëhiqet nga liderë që ditën derdhin "lotë krokodili" për Kosovën, kurse natën e varrosin fatin e këtij populli të shkretë në "Kosovën e lirë dhe të Pavarur"!

Wednesday, October 21, 2015

EFEKTI DOMINO I ZGJEDHJEVE NË BALLKAN






Shkruan: Nehat Hyseni 

Efekti domino i dorëheqjeve të qeverive dhe i shpalljes së zgjedhjeve të jashtëzakonëshme parlamentare, për ta rikonfirmuar mbështetjen dhe legjitimitetin për t'u ballafaquar me sfidat e miratimit të kërkesave shtrënguese, madje edhe radikale të BE-së, ose i "sindromit Tsipras" në Ballkan, sa duket, vështirë se mund të ndalet!

 Serbia aktualisht në vitin 2016, gjendet para sfidave të mëdha reth pranimit të Kosovës në UNESCO dhe ka angazhuar e paguar shumë agjentë lobimi kundër. Por, sa duket, gjasat e saj janë shumë të vogla në këtë drejtim. 

Pastaj, sigurisht se Serbia nuk mundet ta përbijë me lehtësi Kapitullin 35, ku taksativisht parashihet njohja e pavarësisë së Kosovës. 
Kryeministrit aktual të Serbisë, Aleksandar Vuçiq, i duhet patjetër një rikonfirmim i legjimitetit për të marrë vendime radikale qē e presin në rrugëtimin drejtë pranimit në BE. 

Prandaj, edhe në Serbi janë të domosdoshme zgjedhjet e jashtëzakonëshme parlamentare, meqë paraqitet pavarësia e Kosovës si "kafshatë që nuk kapërdihet", SNS-it të Vuçiqit do i duhej rikonfirmimi i orientimit më eksplicit proevropian, përkundër presidentit Nikoliq, si fanatik provincial prorus.

Në ndërkohë, meqë zgjedhjet në Serbi do e stoponin Dialogun e Brukselit, edhe Kosova do të duhej të shkojë në zgjedhje të jashtëzakonëshme parlamentare, duke e mbyllur kështu krizën politike aktuale me opozitën, duke prodhuar mazhorancën e re politike, e cila do t'i hajë një nga një "qershitë"që tani po i urinon gjatë aktivitetit shtetëbllokues me filikaça, gaz lotësjellës e vezë. 

Pra, edhepse janë shanset tepër të vogla, megjithatë, poqese do të fitonte opozita aktuale, "Zajednica" do shndërrohej në "Bashkësi", dmth vetëm do përkthehej në shqip, madje edhe ekziston mundësia reale se edhe do i shtoheshin kompetencat dhe do të harrohej çdo gjë e thënë dhe e bërë me vandalizmin dhe tymnajën aktuale politike, duke siguruar, përveç pushtetit, ose të drejtës për zhvatjen e shtetit, edhe një mbrojtje shtesë nga efektet imediate që i (keq)presin nga Gjykata Speciale. 

Madje, dyshohet se motivi themelor i radikalizmit të opozitës, e sidomos të AAK-së dhe Nismës është pokërisht kjo e fundit, dmth shpëtimi ose lehtësimi i goditjes së "drejtësisë europiane" për një pjesë të konsiderueshme të opozitës, por edhe të pozitës aktuale, sidomos nga radhët e PDK-së, madje duke mos e kursyer as kreun e saj Kadri Veselin dhe Hashim Thaçin me disa shokë të tyre.

Situata në Mal të Zi është dramatike! Atje, qe një muaj, i ashtuquajturi Fronti Popullor, me orientim antiqeveritar, kundër Qeverisë së Gjukanoviqit, ka organizuar protesta të dhunëshme, që kanë arritur kulmin.

 Sipas shtypit Perëndimor, këto protesta janë të organizuara nga serbët e Malit të Zi dhe të nxitura e të fonancuara nga Shërbimi sekret rus, me qëllim të përmbysjes së Qeverisë së pavarur dhe proeuropiane të Gjukanoviqit, duke synuar që ta imponojnë ndonjë qeveri kukull proruse.

Maqedonia, e ngarkuar me probleme të autoritarizmit diktatorial të Nikolla Gruevskit, me shumë probleme ndëretnike, pas shumë aferash të pozitës ultranacionaliste maqedonase, në aleancë me BDI-në e Ali Ahmetit, tani më e ka caktuar terminin e zgjedhjeve në gjysmën e parë të 2016-tës! 

Naryrisht, Shqipëria do vinte në radhë, kah fundi i 2016-tës ose në fillim të 2017-tës dhe kështu do e kishim një riparim gjeneral të politikës në Ballkan, të përgatitur për t'i tejkaluar sfidat. 

Prandaj, sa do i trishtueshëm  të na duket aktiviteti i "Filikaçistëve" në Parlament, megjithatë do të vihet në logjikën e sendeve me efektin domino të rënies së qeverive respektive dhe për pëgatitjen pë grëlltitjen e "eliksirit" politik të "europianizimit" të politikës nacionaleuforiste dhe zbutjes së saj ndaj tutorizmit europian.

Ndërkaq, meqë do të shtyhej themelimi i Gjykatës Speciale, efektet e gazësjellësit në Parlament, të realizuara me "shkeljen e syrit" nga kryeparlamentari Veseli dhe tarafi i tij diverzant kundër Qeverisë Mustafa, do fitonin në kohë nga kjo tymnajë politike. 

Mbase ky do ishte minimumi i ambicjeve dhe pretendimetve të tyre, tani për tani. 

Kurse, më vonë, pse jo, ekziston mundësia reale që z. Veseli  ta merr tymonin e shtetit, duke u imponuar si "violinë e parë" që do na e dirigjonte politikën kosovare, së paku për katër vjetët e ardhëshme.

Unë do të thoja se inatet personale të opozitës kosovare, kanë për bazë interesat politike. 

Sepse, ta kesh pushtetin politik në Kosovë do të thotë të pasurohesh pafund "në emër të patriotizmit", meqë ne kemi mendësi aziatike të (keq)qeverisjes, të tipit të osmanlinjëve dhe sheikëve të papërgjegjshëm politik.


Monday, October 19, 2015

Kush do të jetë Presidenti i ardhshëm i Kosovës?



Shkruan: Nehat Hyseni

Kanë mbetur vetëm edhe gjashtë muaj mandat të Presidentes aktuale të Kosovës dhe tani më kanë filluar kalkulimet dhe parashikimet se kush, vallë, do të jetë Presidenti i ardhshëm i Kosovës, në mandatin 2016-2021?

Gjasat e Presidentes Jahjaga për t'u rizgjedhur sërish në këtë post, janë minimale. 

Sepse, koalicioni aktual qeverisës LDK-PDK, siç dihet, ka bërë një marrëveshje që pêr këtë post, në prill të vitit 2016, kur skadon mandati i Presidentes Jahjaga, të zgjidhet Hashim Thaçi. 

Natyrisht, poqese qëndron deri atëherë ky koalicion qeverisës dhe nuk shpallen në ndërkohë zgjedhje të jashtëzakonêshme parlamentare, që po e kërkon me ngulm opozita aktuale, e cila e ka bllokuar plotësisht qe dy muaj punën e Kuvendit të Kosovës, madje duke hedhur edhe gaz lotësjellës në sallë. 

Kuptohet se, poqese shpallen zgjedhjet, atëherë mundësia e zgjedhjes së Hashim Thaçit President, bjen. Kurse, ekziston mundësia që zonjës Jahjaga t'i zgjatet mandati, deri sa të konstituohet legjislatura e re e Kuvendit të Kosovës. 

Por, gjithësesi mund të mbetet mundësia e hapur që edhe zonja Jahjaga të kandidoj. 

Në atë rast do të kishim dy, apo nëse kandidon edhe ndokush tjetër, nga opozita, do të kishim edhe më shumë kandidatë.

Por, sigurisht se gjasat më të mëdha do i kishte Hashim Thaçi. meqë në të gjitha variantet do kishte më shumë vota, së paku shikuar nga rethat e tanishme politike.

Kurse, poqese nuk shpallen zgjedhjet e reja parlamentare në ndërkohë, z. Thaçi do ishte i pakonkurencë për postin e Presidentit të Kosovës, meqë i ka votat, edhepse 8 deputetë të LDK-së nuk do ta votonin.

Sido që të jetë puna, Kosova aktualisht gjendet para një fortune dhe pasigurie të madhe politike, që vështirë do të jetë për ta menaxhuar pa pasoja serioze për të ardhmen, meqë opozita aktuale është tërbuar fare dhe nuk njeh fare rregulla të lojës e nuk i rrespekton as institucionet e Republikës së Kosovës. 
Verbëria e tyre për pushtet, me pretekstin e pengimit të funksionalizimit të "Zajednicës" dhe Demarkacionit të kufirit me Malin e Zi, ata synojnë ta shndërrojnë në revolucion gjithëpopullor për ta dhegur e shkatërruar pronën publike dhe private, si dhe imazhin e Kosovës në botë.

Prandaj, rrjedhimisht është vështirë të parashikojmë ekzaktësisht se çka do të ndodhë në të afërmen politike të vendit, si dhe të parashikohet edhe se kush do të jetë saktësisht Presidenti i ardhshëm i vendit.

Sunday, October 18, 2015

Foshnjëria e shtetësisë së Kosovës si sfidë




Shkruan: Nehat Hyseni

Në "Kosovën e lirë dhe të Pavarur", ka  arsye të pafund për të protestuar!

Madje, do të thoja se këtë "mall", pra arsyet për të protestuar, e kemi me bollëk edhe për eksport. 

Kemi arsye për të protestuar për varfërinë, paperspektivën dhe papunësin e të rinjëve, për Trepçën, për Asociacionin e komunave me shumicë serbe, për Demarkacionin e kufirit me Malin e Zi, kundër ose për Rektorin e UP...e për çka jo tjetër?

Pra, Kosova sot me plotë të drejtë mund të mburret se, edhepse është "shtet në pelena", pra si foshnje, megjithatë ka më së shumti në Europë arsye për të protestuar.

Madje, si "shteti më i ri i Europës" që është, edhe "pelenat" i kanë hije. Pse jo?!

Pra, që ta shprehë "foshnjërinë" e vet në çdo aspekt: edhe në mosnjohjen e institucioneve të Kosovës, dmth Presidenten e vendit, duke deklaruar (Ramush Haradinaj) se nuk kemi Presidente, kurse Albin Kurti pohon se nuk kemi as Republikë të Kosovës, meqë sipas tij "Republika e Parë (1991-2008) dhe "Republika e Dytë (17 shkurt 2008 e këndej, duhen zëvendësuar me "Rebublikën e Tretë", të cilën do e udhëhiqte Albin Kurti. 

Ky "Revolucion Demokratik" drejtë "Republikës së tretë" të Albin Kurtit, filloi në janar të vitit 2015, kundër ministrit serb Jabllanoviq dhe kundër masave të Qeverisë Mustafa për Trepçën, për të eskaluar në vjeshtë me bllokimin e punës së Kuvendit të Kosovës, kundër Marrëveshjes së 25 gushtit 2015 nga kryeministri Mustafa me kryeministrin e Serbisë dhe me ndërmjetësimin e komisioneres së lartë të BE-së, zonjës Frederica Mogherini, në Bruksel, që opozita e cilësoi si protestë kundër AKS-së, që e emërtuan "Zajednicë", si dhe kundër Demarkacionit të kufirit me Malin e Zi, ku AAK pretendon se Malit të Zi i jipen mbi 8 mijë hektarë tokë të Kosovës. 

Ndërkaq, Nisma e Fatmir Limajt nuk ka aktualisht "kauzë" të veten, por i bashkëngjitet këtyre dy "kauzave" të përmendura.

Prandaj, tani janë hedhur në aksion së bashku VV, AAK dhe Nisma, ose VAN, të cilët dojnë ta shkarkojnë kryeministrin Mustafa.

Natyrisht, këta i arsyetojnë aktivitetet e tyre vandale, të cilat janë duke u ndihmuar haptas nga kryeparlamentari Kadri Veseli, për ta detyruar kryeministrin Mustafa të jep dorëheqje. 

Duke menduar se më në fund kanë gjetur "kauzën" e përshtatshme për ta bindur popullin se duhet ngritur në revolucion për rrëzimin e Qeverisë, si rrugë për të ardhur në pushtet opozita aktuale, ata përdorin vezët për ta gjuajtur me vezë kryeministrin dhe mazhorancën aktuale, kudo, në sallën e Kuvendit, në rrugë e gjithëkund. 

Gazi lotësjellës është hedhur disa herë në sallë të Kuvendit të Kosovës dhe ka pamundësuar punimet e tij, duke kryer vepër penale nga Albin Kurti dhe deputetë të tjerë.

Mirëpo, asnjëri nga deputetët që kanë kryer këto vepra penale, nuk iu kanë përgjigjur organeve kompetente të hetuesisë, duke shprehur kështu mosdëgjueshmëri qytetare dhe duke mos përfillur institucionet shtetërore.

Qëllimet e veta politike opozita i ka shpallir haptas, e ato janë: dorëheqja e Qeverisë Mustafa, krijimi i Qeverisë teknike dhe shpallja e zgjedhjeve të jsshtëzakonëshme.

Presidentja e vendit, siç u pa puna edhe Lëvizjen VV dhe deklaratat publike të Ramush Haradinajt, nuk respektohet nga opozita. Madje, opozita nuk e njeh as kryeministrin, e as flamurin dhe institucionet e Kosovës!

Situata ka shkuar aq larg, sa që edhe mazhoranca aktuale ka treguar plasaritje dhe luhatje të konsiderueshme. Kjo u pa me rastin e mosvotimit për themelimin e Gjykatës Speciale nga një pjesë e deputetëve të PDK-së. 

Madje, edhe kjo bllokadë aktuale e punëve të Kuvendit të Kosovës po ndihmohet nga të njejtit, me qëllim të bllokimit, ose shtyerjes sa më larg të formimit të Gjykatës Speciale, meqë "kanë marrë erë" se do të përfshihen dhe goditen nga ajo.


Druaj se modeli i zgjidhjes politike të krizës vreke, do të përsëritet edhe tek ne. 

Pra, partia ekstremiste kundëreuropiane, Syriza e Tsiprasit refuzonte pakon shtrënguese të kursimit ekstrem që ua impononte BE, refuzohej kategorikisht. 

Por, më vonë u pa se Tsiprasi, i ballafaquar edhe me ndarjen e partisë së tij, u detyrua të dorëhiqet dhe të shpallë zgjedhjet e jashtëzakonëshme parlamentare, për t'i eliminuar të rebeluarit e partisë së tij, dhe tani qeverisë më i qetë.


Sigurisht se opozita kosovare shpreson se e ka bindur popullin dhe se mund t'i fitojnë zgjedhjet e ardhëshme. 

Prandaj, ata, të ndihmuar edhe nga tarafi diverzant i PDK-së, në krye me Kadri Veselin, do ta (keq)përdorin pozitën aktuale të tyre në pushtet, për interesa personale e grupore, që mund ta dëmtoj e kompromitoj rëndë Kosovën.

Shpresojmë se Ambasada e SHB-së, së bashku me ambasadorët e Quintit dhe të BE-së, me Presidenten Jahjaga, ta imponojnë një zgjidhje.
Sepse, mos të harrojmë se, për fat(keqësi), Kosova nuk mundi të çlirohet vet nga Serbia. 

Prandaj, na mban shpresa se, pa marrë parasysh apetitet e tërbuara të ndokujt për pushtet dhe prirhet e tyre shtetërrënuese e shkatërruese, megjithatë nuk munden ta djegin e shkatërrojnë. 

Sepse, Kosova është edhe projekt ndërkombëtar, i mbrojtur nga NATO dhe miqtë tanë ndërkombëtarë, në krye me Shtetet e Bashkuara të Amerikës!

Saturday, October 10, 2015

Kosova në rrezik nga "Filikaçistët"!




Shkruan: Nehat Hyseni 

Kosova aktualisht nuk është e kërcnuar dhe rrezikuar më shumë as nga terroristë, ISIS-i apo ndokush tjetër, por nga të ashtuquajturit "Filikaçistët"!

Këta e kanë bllokuar raportimin e kryeministrit për Dialogun e Brukselit dhe Marrëveshjen e nënshkruar të 25 gushtit 2015, në Bruksel, duke e gjuajtur ate me vezë, pastaj, në mbledhjen e 8 tetorit 2015, me zhurmën shurdhuese të filikaçave, si dhe me hedhjen e gasit lotësjellës nga Albin Kurti, duke e bërë të pamundur punën e Kuvendit të Kosovës pesë herë për një muaj.
Ata madje kërcënojnë se do të përdorin mjete edhe "më të forta", për ta penguar, siç thonë ata vet, vendosjen dhe funksionalizimin e "Zajednicës", ose Asociacionit të komunave me shumicë serbe, duke menduar se kanë gjetur formulën e realizimit të synimeve dhe inateve e pretendimeve personale politike për postin e kryeministrit, të cilin nuk arritën koalicioni VAN ta fitoj në Zgjedhjet e 8 qershorit 2014, meqë VV, AAK dhe Nisma së bashku mezi arritën 1/4 e numrit të deputetëve në Kuvendin e Kosovës.

Prandaj, atë që nuk e arritën me votën e popullit, tani opozita aktuale pretendon ta arrij në rrugë, me moton "ta shpëtojmë Kosovën nga Zajednica dhe nga Isa"!
Liderët e opozitës janë trimëruar edhe nga kryetari kontravers i Kuvendit të Kosovës, Kadri Veseli, i cili vazhdimisht bërtet e çirret se "nuk do të lejoj intervenimin e Sigurimit të Kuvendit", sa duket, për arsyet dhe qëllimet politike që vetëm ai dhe tarafi i tij politik i din.

Ndërkaq, "thembra e Akilit" e ushtrimit të funksionit të "Shefit të shtetit", dmth të Presidentit, nga z. Atifete Jahjaga është pikërisht aftësia dhe kredibiliteti i saj i munguar politik, i një lidershipi të mirëfilltë për t'iu përgjigjur detyrave të saj si Presidente e Relublikës së Kosovës.

Njëra ndër detyrat dhe obligimet themelore të saj është, që me paanësinë e vet politike, të vendosë e balancin dhe stabilitetin politik në vend. 

Mirëpo, ajo, edhepse nuk ka parti politike, por është zgjedhur me propozim të Ambasadës Amerikane dhe është zgjedhur nga Kuvendi i Kosovës. 

Megjithatë i mungon autoriteti dhe fuqia politike e ndërmjetësimit midis palëve (partive) politike në Kosovë. 

Ashtu ishte me rastin e ngërçit pllitik gjashtëmujor të vitit të kaluar, kur pas zgjedhjeve të jashtëzakonshëme parlamentare të 8 qershorit, Presidentja Jahjaga,  pa ndihmën e Ambasadës Amerikane dhe zyrës së BE-së në Prishtinë, nuk arriti dot ta zhbllokoj situatën.

Andaj, dyshojmë se edhe tani Presidentja nuk mund t'ia dalë  e vetme, për t'i zmbrapsur apetitet politike të liderëve të opozitës aktuale për ta zënë postin e kryeministrit me çdo kusht dhe pa zgjedhur mjete. 

Madje, edhe duke hedhur gaz lotësjellës në sallën e Kuvendit të Kosovës. 

E gjithë kjo po ndodhë "në emër të patriotizmit dhe demokracisë", ku opozita është duke derdhur "lotë krokodili" kinse për sovranitetin e vendit.

Mjerisht, Kosova është duke e vërtetuar, madje katërcipërisht, se jo vetëm nuk ishim të aftë që ta fitojmë luftën, por se jemi totalizht të paaftë që ta ndërtojmë edhe paqen. 

Pa ndihmën e Amerikës, jo se jo, por edhe me ndihmën e tyre, çdo ditë e më tepër jemi duke e komprometuar aftësinë tonë të shtetndërtimit dhe të demokracisë e përparimit.

Prandaj, Presidentja Jahjaga duhet urgjentisht të thërrasë një takim në Zyrën e vet të ambasadorëve të vendeve të BE-së dhe SHBA-së me partitë politike të Kosovës dhe, sa nuk është bërë tepër vonë, të vendoset rregulli e qetësia politike.

Aktualisht, Kosova gjendet para një rreziku të madh të destabilitetit politik të vendit. 

Pra, Presidentja Jahjaga nuk posedon kapacitete të mjaftueshme të menaxhimit të situatës së krizës aktuale politike në vend, meqë ajo kryesisht ushtron me sukses rolin përfaqësues dhe atë ceremonial të Republikës së Kosovës mbrenda dhe jashtë.

Por, Presidentja Jahjaga, e askush tjetër brenda Kosovës nuk ka kapacitete politike për t'i dalë përpara këtyre qëllimeve të verbuara politike, që synojnë ose ta sundojnë e zhvatin pafundësisht vet Kosovën, ose, "në emër të patriotizmit she demokracisë", do e kallin e 
shkatërrojnë nga themeli!

Disa forca politike, që i përkasin kryesisht opozitës, të ndihmuara nga liderë të caktuar edhe të pozitës aktuale, sikur dojnë të na dëshmojnë se, edhepse nuk ishin të afta për ta çliruar, ato megjithatë po i tregojnë "muskujt" se sa janë të afta për ra shkatrruar, djegur e shkatërruar atë, poqese ata nuk e sundojnë këtë vend të shkretë e të shumëvuajtur, të cilit bajrakrarizmi në të kaluarën i kishte shkaktuar vuajtje, mjerim e robëri të tmerrëshme. 

Vallë, a do të lejojmë që historia jonë e vetëshkatërrimit shekullorë, tani në shekullin XXI, në "Kosovën e lirë dhe të Pavarur", të na përsëritet?!



Thursday, October 8, 2015

Në emër të "patriotizmit" dhe demokracisë-anarki!



Shkruan: Nehat Hyseni 

Fotografitë dhe pamjet e zymta të zhurmës së organizuar nga opozita në Kuvendin e Kosovës, e cila përbën çerekun e 120 deputetëve, janë bërë lajm për mediat botërore.

Maskarallëqet e opozitës arritën kulmin e paturpësisë sidomos në mbledhjen e 8 tetorit 2015, kur opozita, e siguruar nga kryeparlamentari Veseli se nuk do të intervenoj në asnjë mënyrë sigurimi i Kuvendit të Kosovës për vendosjen e rendit dhe rregullit dhe për krijimin e kushteve normale për punë, me filikaça, "në emër të demokracisë", bënin zhurmë shurdhuese për ta penguar punën e Kuvendit, duke krijuar anarki të paparë.

Mirëpo, meqë u bindën në vendosmërinë këmbëngulëse të pozitës për ta vazhduar domosdoshmërisht punën edhe në këto kushte të jashtëzakonëshme, deputetët e opozitës u ngritën në këmbë, i lëshuan vendet e veta dhe grumbulloheshin tek diskutantët dhe tentonin edhe fizikisht ta pengonin fjalën e thre në Parlament. 

Situata u acarrua aq shumë, sa që druhej se do të dilte jashtë kontrollit.

Por, sikur kjo nuk mjaftoi dhe ndodhi ajo që nuk do t'i binte ndër mend as personit më radikal, hedhja e gazit lotësjellës nga Albin Kurti, që alivanosi disa deputetë, madje dyshohet se alivanosi edhe përfaqësuesin e BE-së, Samuel Zhbogar!

Kjo çmendi, "në emër të demokracisë ka marrë përmasa shqetësuese. 

Sepse, në demokraci liria e çdo individi është e kufizuar me lirinë e tjetrit!

Prandaj, edhe liria e deputetëve është e kufizuar me lirinë e të tjerëve dhe me mbarëvajtjen e papenguar të punës së Kuvendit të Kosovës.

Dikush ndoshta është i bindur se e gjithë kjo "arsyetohet" me bindjen se "po mbrohet Kosova" dhe sovraniteti i saj nga dialogu me Serbinë në Bruksel, prandaj po kërkohet edhe tërheqja e nënshkrimit të kryeministrit Mustafa tërheqja e nënshkrimit nga Marrëveshja e 25 gushtit në Bruksel.

Edhe sikur të kishte plotësisht të drejtë opozita në bindjet e veta, megjithatë ajo paraqet vetëm çerekun, kurse për tu mbështetur nga shumica, duhet vendosur debat në Kuvend. 

Kurse, për habinë e të gjithëve, ata nuk lejojnë as raportimin e kryeministrit në Kuvend, në bazë të të cilit do zhvillohej debati! 

Pra, opozita në vend të debatit, ka vendosur ultimatum dhe ka bllokuar punën e Kuvendit të Kosovës, duke e bërë të pamundur punën normale të tij.

Opozita këtë shtetbllokim po mundohet ta paraqes si mbrojtje të Sovranitetit të Kosovës, pra si "patriotizëm", duke instaluar dhe përdorur mjete jodemokratike dhe të dhunëshme.

Veprimi i opozitës ma kujton veprimin e delegatëve serbë në vitin 1990 në Kuvendin e atëhershëm të Kosovës. Atëherë edhe unë isha punëtor i Kuvendit dhe serbët e bllokonin mikrofonin në sallë, me motivacionin se delegatët shqiptarë do ta shpallnin "Republikën"!

Kështu,u detyruam që një natë ta gëdhijmë në Kuvend, duke i mbushur faqet e shtypit në atë kohë, kurse "Rilindja" kishte mbushur me fotografitē tona në sallë.

Tani, në vitin 2015, dmth 25 vjet më vonë po ndodhë një situatë e ngjajshme, por kësaj radhe jo nga serbët dhe në emër të Serbisë, por nga opozita shqiptare, për patriotizëm dhe në emër të "ruajtjes së sovranitetit të Republikës së Kosovës"!

Ajo që e demaskon dhe e demanton definitivisht "patriotizmin" e opozitës aktuale është fakti se inatet e koalicionit VLAN, si zhgënjim nga rezultatet e zgjedhjeve të jashtëzakonshme parlamentare të 8 qershorit 2014, ku PDK fitoi, ndërsa LDK, AAK dhe sidomos Lëvizja VV, synonin fitoren. Prandaj, atyre nuk u mbeti tjetër gjë, pos të bashkoheshin të gjithë kundër PDK-së.

Fajet për prishjen e këtij koalicioni iu hodhën Isa Mustafës, i cili, në pamundësi që të bëhej kryetar i Kuvendit të Kosovës, siç ishte marrëveshja, ai vendosi koalicionin me PDK. Kështu, synimi i Ramush Haradinajt për tu bërë Kryeministër nga VLAN, ranë në ujë.

Prandaj, këtë qëllim ai synon ta arrij me veprimet "patriotike" dhe duke synuar të imponojnë zgjedhje të jashtëzakonëshme.

Formula "patriotike" e tyre është tipike komuniste dhe thellësisht jodemokratike, meqenëse synojnë që me mjete të diktaturës dhe dhunës tia imponojnë vullnetin e tyre politik shoqërisë kosovare. 

Opozita, në vend të votës së lirë dhe përfaqësisë parlamentare, na ofrojnë diktaturën e rrugës dhe metodat "revolucionare" të shkatërrimit të pronës publike e private "në emër të patriotizmit", duke u munduar të na imponojnë si legjitime diktaturën e rrugës dhe shtetshkatërrimin, si rrugë dhe metodë legjitime dhe demokratike.

Pra, opozita aktuale don ta merr pronëstnë mbi Kosovën, ta "zhvilloj" demokracinë, duke e suprimuar atë me mjete jodemokratike dhe me dhunën që po e instalon në jetën demokratike dhe parlamentare, duke e komprometuar imazhin e saj edhe ashtu të brishtë në botë.

Monday, October 5, 2015

Si (s)hoqi dorë Kosova nga pjesa veriore e saj?



Shkruan: Nehat Hyseni

Kosova sot është e detyruar që të negocioj, e jo të dialogoj me Serbinë, me ndërmjetësimin e BE-së, për territorin e vet, në Bruksel!

Ura mbi lumin Ibër, që dikur kishte një rol pragmatik, si çdo urë tjetër, për kalimin e lumit, pas përfundimit të luftës së vitit 1999, mori karakter politik.

Pra, me të përfunduar bombardimet e NATO-s, mbi këtë urë u vendosën forcat e KFOR-it francez, të cilat ndalonin qarkullimin e shqiptarve të Mitrovicës së Jugut në anën veriore dhe e ndihmuan dhe përshpejtuan spastrimin etnik të Mitrovicës së Veriut, e cila ishte e banuar me shumicë absolute shqiptare.

Pra, mbi lumin Ibër u vendos via e demarkacionit midis sferës Amerikane të interesit në jug, dhe dhe asaj Ruse, në pjesën veriore të Mitrovicës.

Si linjë demarkacioni, Ura mbi lumin Ibër u mbështet fuqishëm nga Hashim Thaçi e Kadri Veseli  me shokë, në atë kohë, me pengimin këmbëngulës të demostratave të shqiptarve nga të dy anët e Urës!

Duke premtuar se "së shpejti do të zgjidhet ky problem", ata u angazhuan me të gjitha forcat për zmbrapsjen e qytetarve shqiptarë nga kërkesa e tyre këmbëngulëse që të kthehen në shtëpitë dhe banesat e tyre në pjesën veriore të Mitrovicës.

Kështu, ata e lehtësuan spastrimin etnik të Mitrovicës së veriut nga shqiptarët, duke e lehtësuar krijimin e Mitrovicës serbe, pa shqiptarë. 

Strukturat kriminale serbe e kishin shumë mē të lehtë që të veprojnë lirisht në trollin e Kosovës, duke e sfiduar e sovranitetin territorial shtetit të Republikës së Kosovës. 
Në këtë mënyrë u mundësia që kufiri midis sferave të interesit nga kufiri i dikurshëm në Jarinje, ku është vendosur dogana e brishtë sot, në Urën mbi Ibër. 
Pra, duke i falemnderuar papërgjegjësisë totale të faktorit ushtarako-politik të shqiptarve të Kosovës në peridhën e pasluftës, për ruajtjen e Mitrovicës së Veriut, e cila iu la Serbisë, kurse shqiptarët iu vërsulën plaçkitjes dhe pasurimit brenda natës!

Kështu, tani Kosova dhe BE me SHBA-në sot jemi të detyruar të negociojmë, po e nënvizoj: të negociojmë, e jo tē dialogojmë pafundësisht për trojet tona në Bruksel.

Atje, 16 vjet pas Luftës së vitit 1999, valon flamuri i Serbisë, pa asnjë simbol të vetëm të Kosovës, njësoj si në Kralevë, Nish apo Pozharevc, etj. Pra, si në çdo qytet tjetër i Serbisë!

Akoma nuk është e qartë se pse e bënë  atëbot këta këtë veprim makabër: ishin të pavetëdijshëm dhe tê padijshëm për veprimet e tyre antikosovare dhe antishqiptare, apo ishin të paguar me para të majme, apo ndoshta ishin të shantazhuar për krimet e luftës që kishin bërë këta?!

Tani për tani nuk mund ta dijmë tërë të vêrtetên e kësaj meseleje, që shumëkush po e quan me mllef të papërmbajtur: tradhëti ordinere kombëtare!

Natyrisht, kjo çështje nuk përfundoi me kaq.

Në rethana të këtilla, shqiptarët e Kosovës, meqë nuk qenë të aftë të çlirohen vet nga Serbia, megjithatë nuk e bënë atë që duhej bërë: të mos lejonin spastrimin etnik të Mtrovicës së veriut! 

Së paku, sikur të ekzistonte njē patriotizëm dhe atdhetarizëm i sinqertë, madje minimal në radhët e tyre për ruajtjen dhe mbrojtjen e karakterit multietnik të Mitrovicës së Veriut, duke bashkuar tërë potencialin dhe djen e shkathtësitë ushtarake, sot do të kishim situatë diametralisht mdryshe. 
Sepse, do të kishim realitet tjetër në terren, sikur të kishim luftuar për qëndrimin e shqiptarve në shtëpitë dhe banesat e veta në këtë pjesë të Kosovës.

Por, UÇK e Hashim Thaçit pas Luftës nuk gjëndej aty ku duhej mbrojtur territori i Kosovës!

Mjerisht, pjesa më e madhe gjendej aty ku një ushtri e përgjegjëshme çlirimtare kombëtare nuk e ka dhe nuk do të guxonte kurrësesi ta ket vendin! 
Pra, u shndërrua në ushtri zaptuese e plaçkitëse, me moton: "UÇK mos prek!"

 Prandaj, iu la në dorë Hashim Thaçit, që në të ashtuquajturin "Dialogu i Brukselit", ta nënshkruaj më 19 prill 2013, Marrëveshjen për normalizimin e marrëdhënieve të Kosovës me Serbinë, duke bërë kështu tradhëti kombëtare, meqë kujdeset vetëm për pozitën e serbëve të Kosovës, duke përcaktuar formimin e Asociacionit të komunave me shumicë serbe në Kosovë. 

Ndërkaq, shqiptarët në Serbi, dmth në Luginë të Preshevës nuk përfillen dhe nuk përmenden fare!

Pjesa verore e Kosovës, qe 16 vjet pas luftës, qeveriset nga Serbia. 
Atje, me para të Qeverisë së Serbisë janë blerë tokat dhe trojet e shqiptarve dhd janë ndërtuar ndërtesa të larta e rrokaqiej, ku janë vendodur serbët.
Aktualisht, Qeveria e Serbisë ka marrë vendim dhe ka ndarë mjete për ndërtimin e treaind shtëpive për serbë.

Pra, veriu i Kosovës po serbizohet pandalshëm, kurse Qeveria e Kosovës është, me ose pa dëshirën e saj, bashkëpjesëmarrëse në këtë vepër makabër të humbjes së sovranitetit të vet shtetëror.


Trishtimi më i madh në këtë proces të shtetrrënimit të Kosovës është tentativa e paskrupullt dhe e paturpëshme e pjesëmarrësve kosovarë në këtë Dialog, kinse Kosova po përfiton nga Dialogu i Brukselit dhe se po e shtrinë sovranitetin në tërë territorin e vet, duke e mëshefur me këmbëngulje realitetin e hidhur të bosnjizimit dhe defunksionalizimit të shtetit të ri të Kosovës.

Thursday, October 1, 2015

Tentativa për grushtshtet në Kuvendin e Kosovës

 


Shkruan: Nehat Hyseni 

Tentativa për grushtshtet e opozitës në Parlamentin e Kosovës, nuk është ide origjinale e Lëvizjes Vetëvendosje, dhe pasuesve ideologjikë të saj: AAK-së e Nismës.
 Sepse, një skenar i tillë i bllokimit të organit më të lartë Ligjvënës, tanimë është parë dy dekada më parë në Serbi dhe para 4-5 vitesh në Parlamentin e Maqedoninsë.
Në të dy rastet opozita kishte uzurpuar foltoren dhe kishte bllokuar punën e parlamentit, por me intervenimin e Sigurimit të Parlamentit, opozita ishte rrahur dhe ishte detyruar ta zhbllokoj punën e Parliamentit, duke përfunduar pjesa më e madhe me lëndime të lehta e të rënda, në spital.

 Pastaj, Parlamenti kishte vazhduar punës, sikurse nuk kishte ndodhur asgjë!

Edhe në Parlamentin e Shqipërisë kishte ndodhur, madje disa herë bllokimi i punës nga opozita, mirëpo Sigurimi i Kuvendit kishte kryer punën e vet, duke vendosur rregullin dhe qetësinë.

Ndërkaq, në Kuvendin e Kosovës aktualisht është duke ndodhur një non sens, me sjelljen e pashembulltë të kryeparlamentarit Kadri Veseli, i cili tani është vënë në pozitën e krye komandantit dhe në vend që të krijoj kushte për vazhdimin e punës, ai çirret e bërtet sa mundet: "Sigurimi jashtë"!!! 
Madje, duke e përsëritur disa herë dhe duke ia mundësuar kështu opozitës që ta gjuajnë sa të munden kryeministrin Mustafa me vezë, dhe rrjedhimisht, ta bllokojnë punën e Kuvendit.
Kështu, Kadri Veseli e ka promovuar vehten, në kushtet e heshtjes poshtruese të Presidentes Jahjaga, si shef i shtetit të Kosovës, në stilin e Luigjit të XIV : "L'état c'est moi"! (Shteti jam unë!).

Pra, aktualisht Kosova paraqet një mishmash dhe pshtjellim të turbulltë institucionesh, ku askush askend nuk e dëgjon poqese ndeshet me interesat personale apo grupore të pushtetmbajtësve aktualë.

Këtu Garda e shtetit dikur nuk e nderoi Komandantin Suprem të vetin dhe nuk i dha nderin Presidentit Historik Dr. Ibrahim Rugovës, meqë ashtu kishte vendosur një komandant, i cili tani nuk përton që atë ta përdorë për ceremoni dasmash!

Pra, Kosova është shtet privat, i kapur fuqishëm she tmerrësisht nga "çlirimtarët", të cilët nuk përtojnë ta shndërrojnë në një shtet afrikan, banditesk dhe kriminal, ku rregulli dhe Ligji nuk vlejnë.

Prandaj, Kosova aktualisht është duke shkuar kah shtetrrënimi dhe shtetshkatërrimi sikur ai i vitit 1997 në Shqipëri!

E gjithë kjo po ndodhë para syve tanë në "Kosovën e lirë dhe të Pavarur"! Apetitet për pushtet dojnë ta rrëzojnë nga themeli këtë shtet të shkretë, në të cilin, sikur të hapeshin kufijtë, brenda një dite do të shpërnguleshin 90% e popullatës, të cilët kanë humbur çdo shpresë në shtetin që po e udhëhiqet nga "çlirimtarët" e "patriotët".
Kadri Veselit duhet përkujtuar se ai nuk është komandant, por është kryetar i Kuvendit. 

Prandaj, ai duhet të sillet konform funksionit të kryetarit të Kuvendit dhe të drejtave, obligimeve dhe kompetencave që ka, që ta hedhë në votim për angazhimin e Sigurimit të Kuvendit dhe të veproj konform vendimit të shumicës. E kurrësesi të "komandoj" e të çirret si është më keq e për faqe të zezë në Kuvend!

Pra, puna e Kuvendit të Kosovës duhet zhbllokuar me mjetet dhe veprimet e domosdoshme ligjore, të parapara me Rregulloren për punën e Kuvendit dhe me Kushtetutën e Kosovës. 

Ky është obligim i Z. Veseli, si kryetar (e jo komandant) i Kuvendit të Kosovës.

Mos të harrojmë se Kosova nuk është shtet privat dhe pronë e askujt, por është e popullit të Kosovës dhe u çlirua nga Serbia falë luftës së popullit të saj dhe ndihmës së miqëve tanë mdërkomnëtarë, në krye me SHBA-në.
Prandaj, Kosova është një projekt edhe mdërkomnëtar, për një shtet modern, demokratik e të përparuar, i aftë që t'i luftoj me vendosmëri apetitet personale e grupore që e kompeometojnë dhe e kthejnë prapa.

Nuk mund të lejojmë që të fitojnë forcat dëshpruese të vijnë në pushtet me anë të Revolucionit të Vonuar Demokratik, pra nëpërmes dhunës, gjakderdhjes e shkatërrimit "në emër të popullit", duke rrënuar formën dhe rrugën demokratike të votës së lirë dhe vullnetit të lirë të popullit.

Duhet ta dijnë të gjithë se koha e revolucioneve e grushtshteteve ka kaluar. 

E vetmja rrugë e drejtë është ajo e demokracisë parlamentare, e lirisë dhe përparimit dhe bashkëngjitjes familjes së demokracive të përparuara europiane e botërore.